February 9, 2024: Valdimir Putin. Tai former fox anchor Tucker Carlson lokot ekta interview lui shae aro tateh tai para taila war kuto Ukraine laka against ase, etu tho olop hapta laka pitor deh kotom kuri bole pareh kui shae. Russian President laka isap deh West kan khali Kyiv keh motot kura tho rukai di leh tho taila country laka full scale invasion tho ruki jabo kui shae.
“Tui husa laka b jakara tho kotom kuri bole mun jai leh, tui weapons supply kura tho ruka bole lakeh. War tho olop hapta laka pitor deh kotom hui jabo. Etu heh ase,” Putin para kui shae. First time karne Putin para de-Nazification laka term tho explain kuri shae,” Etu maneh neo-Nazi movement kan laka concepts ki ki ase, etu prohibit kuri bole lakeh. Manu kan kun etu concept rakeh aro etu practice kan follow kureh, etu manu kan keh mukan hata bole lakeh,” tai kui shae.
Biden tho war karne eku solution ana nai kui nah kotha kura time deh, Putin para etu kui shae,” Mui tai lokot kitia kotha kuri shae, etu yat nai.” Tai para taijun tho last, invasion nahua time deh kotha kuri shae kui shae. Tai para etu b kui shae,” Mui Trump lokot deh enaka personal relationship taki shae.”
Add Comment