India, 21 March : Ruturaj Gaikwad para MS Dhoni ke Chennai Super Kings laga skipper nishna IPL 2024 agey dey podli kurishey. Itu announcement toh Chennai dey itu saal laga competition agey dey captains laga meeting dey Gaikwad attend kuria piche dey ahishey Thursday dey. MS Dhoni toh IPL laga inaugural season para luina CSK laga captain thakishey aro itu title five par jitishey – Mumbai Indians laga Rohit Sharma logot alag skipper para kuria itu joint-most. Gaikwad, kun India karney six ODIs aro 19 T20s khilishey, tai laga CSK debut 2020 dey kurisheh aro itu five time IPL champions ke 52 khel dey represent kurishey. Itu right-handed opener toh jaa saal ekta memorable run thakishey, 16 khel dey 590 runs aggregate kurishey 147.50 laga ekta impressive strike rate dey.
Dhoni toh sports history dey sobse inspiring journeys maju dey ekta asey. Railway station dey ekta ticket collector nishna kaam kuria para luina, tai India laga sobse dangor trophy collector dey transform huishey, team ke ICC T20 World Cup 2007, ICC Cricket World Cup 2011 aro ICC Champions Trophy 2013 tak ekta skipper nishna lead kurishey.
Dhoni para CSK ke 2010, 2011, 2018, 2021 aro 2023 dey five IPL titles tak lead kurishey. Dhoni para CSK ke tuita CLT20 titles tak 2010 aro 2014 dey lead kurishey. Itu logot, tai toh franchise cricket dey ekela sobse successful captain nahuina, general cricket dey bhi asey.
Itu right-handed batter para 250 IPL matches khilishey, bishi pak CSK karney, Rising Pune Supergiant karney ekta stint laga alawa 2016 para 2017 tak. Itu matches dey, tai 38.79 laga average dey 5,082 runs score kurishey. Tai itu tournament dey 24 half-centuries bhi score kurishey. Tai 142 catches aro 42 stumpings bhi asey.
CSK toh Royal Challengers Bengaluru ke IPL 2024 dey samna kuribo Chennai dey Friday.
CSK squad for IPL 2024: MS Dhoni (c), Moeen Ali, Deepak Chahar, Tushar Deshpande, Shivam Dube, Ruturaj Gaikwad, Rajvardhan Hangargekar, Ravindra Jadeja, Ajay Mandal, Mukesh Choudhary, Ajinkya Rahane, Shaik Rasheed, Mitchell Santner, Simarjeet Singh, Nishant Sindhu, Prashant Solanki, Maheesh Theekshana, Rachin Ravindra, Shardul Thakur, Daryl Mitchell, Sameer Rizvi, Mustafizur Rahman, Avanish Rao Aravelly.
Add Comment