Washington, 26 April 2025: Rwanda aru Democratic Republic of Congo (DR Congo) ekta agreement sign kurise ek dusara laga sovereignty respect kuribo aru 2 May na puncha akhe ekta draft peace deal banabo karone.
Etu deal duita country laga foreign ministers para Washington te sign kurise, juntu time te US Secretary of State Marco Rubio bhi thakise Friday din ceremony te.
Bishi months majot, Rwanda-backed M23 rebels mineral-rich eastern DR Congo te dangor territory capture kurise, aru etu karone hundreds of thousands civilian khan displaced hoise.
Kinshasa government juntu territory harai dise, tai minerals access dibo exchange te US para help mangise.
DR Congo aru Rwanda majot relation etya logot bhal nohoi thakile bhi, Washington te meeting aru dialogue para disputes resolve kuribo laga promise, etu ekta positive sign hisap te dekha jai ase.
Agreement laga text hisap te duita side etya expect kurise ki US government aru private sector para dangor investment ahibo.
Talk cholithaka time te bhi, Friday din North Kivu province te fighting report kurise.
Ekta week age, DR Congo aru M23 group peace commit kurise, aru permanent ceasefire pai jabole hope express kurise.
Eastern DR Congo te officials khan koise ki January para etiya tak, komse kom 7,000 manu muri jaise.
Bishi saal laga jhagra etiya aru dangor hoise etu saal suru para, juntu time M23 ekta unexpected offensive launch kurise, aru Goma aru Bukavu — eastern Congo laga duita sobse dangor city — capture kurise, aru etu karone regional war hobo laga dangor bhoi ekta uthai dise.
DR Congo accuse kurise Rwanda ke ki tai M23 ke arms dishe aru jawan khan pathaise support kuribole.
UN aru US para assertion diya piche bhi, Rwanda deny kurise ki tai M23 ke eku support dia nai.
Add Comment