December 7, 2023: Agae deh Upcoming Deadpool movie laka set photo kan leak hui jai shae internet deh aro Ryan Reynolds deh photo kan deh react kuri shae. Marvel laka highly-anticipated action-packed film Deadpool 3 aha sal July mohina deh release hobo leh ase. Movie laka filming tho itia resume kuri ase SAG-AFTRA strike kotom hua piche deh. Etu filming laka leaks aro spoilers kan olop din age deh leak hui jai shae aro leak hui jah tho manu kan X-men crossover karne papna kura shuru hui shae. Ryan Instagram Stories deh jai nah websites kan deh photo kan ready nahua time deh natikabi kui nah request kuri shae.
Actor para aro etu kui shae,”Film tho audience laka kushi karne bana ase aro mukan laka sobse dangor hope tho film kotom nahua time deh enaka leaks kan nah obo karne ase. Manu kan kile spoilers kushi pai koile taikan josh deh taka karne ase.”
Olop taki kina Hugh Jackman b Ryan laka jawab deh reach kuri shae aro support b di shae taikeh. Hoile b Wolverine star para taila jawab deh olop twist dali shae. Tai Ryan laka eki story tho post kuri shae hoile b Deadpool nahoi nah Wolverine liki shae. Ryan para aro etu eki story tho post kuri shae taila Instagram account deh.
Add Comment