S Jaishankar, Iranian Embassy visit kurishey

New Delhi, 21 May : External Affairs Minister S. Jaishankar, Tuesday dey Iran laga Embassy ke visit kurishey New Delhi dey kitia desh para ekta state mourning din observe kurishey, Iranian president Seyyed Ebrahim Raisi aro desh laga foreign minister Hossein Amir-Abdollahian karney respect laga ekta mark nishna, kun Sunday dey ekta helicopter crash dey murishey. “Taikhan ke hotai India laga saathi nishna maniwo kun para India-Iran relationship laga growth dey bishi contribute kurishey. Government of India toh Iran laga manu khan logot solidarity dey khara kuri asey,” Mr Jaishankar para X dey ekta post halishey, Iranian Embassy dey visit kuria piche dey. Raisi aro Amir-Abdollahian toh nine jun manu maju dey thakishey kun Iran laga mountainous north-west area dey taikhan laga helicopter crash hua piche dey murishey, kitia taikhan Azerbaijan border para wapis ahi thakishey, itu region dey joint projects flag off kuria piche dey. Itu National Flag ke half-mast dey lagai asey, India dey sob buildings dey Tuesday dey aro itu din karney eku official entertainment bhi schedule kurianai.