S Jaishankar para SCO deh India-Pakistan kotha nahubo kui shae

October 5, 2024: Saturday din deh External affairs minister S Jaishankar para tai, Shanghai Cooperation Organization’s (SCO) conclave keh attend kuri bole tateh jah time deh, tai, Pakistan lokot deh kotha kuri bo nahoi kui shae.“Visit tho ekta multilateral event karne ase. Mui tateg, India-Pakistan relations deh kotha kuri bo karne jah nahoi. Mui tateh, SCO laka ekta bhal member hobo karne jab oleh ase,” tai para event laka sidelines deh kui shae.“Hoile b apni janeh, mui tho ekta manner taka aro civil taka manu ase. Mui nijor keh isap para behave kuri bo,” tai para kui shae. S Jaishankar para Pakistan keh slam b kuri shae, SAARC initiative laka derailment karne responsible ase kui nah.“Itia, SAARC tho agae jah nahoi, mukan ekta simple reason karne SAARC laka meeting dura nahoi – SAARC deh ekta member ase, kun kom seh kom SAARC laka ekta member lah against cross-border terrorism practice kuri ase, etu lokot deh upor taki bo pareh. Terrorism tho kiba ekta ase, kuto acceptable nahoi aro yeteh ekta global view taki nah b, mukan laka ekta neighbor kuri takeh. Setu karne SAARC meeting tho nahua hui shae. Hoile b enaka hua tho regional activities rukhi shae kui nah nahoi. Last 5-6 sal deh, mukan Indian subcontinent deh aro bishi regional integration diki ase,” tai para kui shae.