New Delhi. July 20, 2020.Saturday din te Mumbai Police para chairman of Yash Raj Films (YRF), Aditya Chopra, laga statement record kurishe, aro tai laga statement tuh actor Sushant Singh Rajput (34) umer suicide kura nemite scanner te ase koishe. Police para Chopra logot tai laga production house oper te char(4) gonda hota-hoti kurishe. Etu kotha tuh Sushant Singh Rajput laga sati aro actor Rhea Chakraborty para Union home minister logot koikena Central Bureau of Investigation (CBI) ke suicide nemite investigation kuriboli kowah beche ase. Bandra police para Chopra laga statement tuh Versova police station te recorded kurishe. Police para Sushant Singh Rajput aro production house pithor te contract termination kura laga sawal be hotishe. Officials para koishe ke, sawal kora tuh production house laga casting director Shanoo Sharma para details kowah oper te thakishe aro suicide hoikena nest din te contract documents be seized kurishe. Police para aji dak contact laga khobor tuh eku deya nai aro konuba gonda laga kam nemite Rajput para suicide kurishe ola, etu sob Police para eku kowah nai. “Aditya Chopra laga statement tuh recorded kurishe aro tai laga kotha hesab te kam kuribo. Komti hoilebi 37 manuh ke etu case oper te hota-hoti kurishe” koikena Police officer ekta para koishe. Investigate kora oper te etai dak te eku beya kam kora nai aro officials khan paa koishe ke, dosura angel para duman khan thakile sai ase koishe. Etu samay Chakraborty para CBI investigate demand kora para state home minister Anil Deshmukh para namane kena Mumbai police khan para be investigate kuriboli parabo koishe.
Add Comment