Bengal, 1 April 2025: Satha manu, tinta bacha milai kina, muri jaishey firecracker explosion te kun toh cylinder blast pra trigger kuri dishey West Bengal laka South 24 Parganas te. Hatsa toh ghor te hoishey Dholahat jaka te, tadeh ekta cylinder toh phuti jaishey, aro jui julai dishey kun toh building tak jaishey. Char manu echa b napai kina ase. Police kan pra investigation launch kuri dishey aro death toll toh uthibo leh expect kuri ase.
Reports laka hisap pra, ghor te, Dholahat police station jaka te, firecracker banabo leh chulai thaki shey. Ekta dangor explosion huni shey Monday din saam te, etu hoi kina jui juli shey kun toh structure toh julai dishey. Firefighters aro police khan etu hoi kina jaka te punchi jaishey. Explosion toh Banik family laka ghor te hoishey. Family toh firecracker bana kam te bishi saal pra kuri thaki shey. Reports laka hisap pra, jaka te 11 manu bhui thaki shey. Tadeh pra char jun toh echa b hari kina ase. Preliminary investigation pra suggest kuri ase ki jui toh cylinder blast pra triggered kuri dishey, etu pra satha manu muri shey aro bishi jun b jokom hoishey.
Last month, firecracker factory Nadia district te explosion pra char manu ke murai dishey, duita maiki milai kina. Police khan pra koishey victim toh factory laka kam kura manu khan thaki shey. Authorities khan kam kuri ase latest blast toh kina hoishey janibo leh.
Add Comment