New Delhi, 27 October : Marathi actor Sachin Chandwade suicide attempt kori thakise fan para hang kori kene nijor ghor Jalgaon laga Parola te. Etu incident October 23 te hoi thakise, aru etu pichete tai hospitalize korise.
Report hisab te, tai laga family turant tai ke hospital loi jaise, kintu itu tak tai laga condition serious hoi jaise. Pichete tai ke Dhule te refer kori dise, kintu October 24 te raati 12:30 baji laga time te treatment choli thakia time te tai last breath loise. Actor laga age 25 saal thakise.
Sachin actor hua alawa ekta engineer bhi thakise. Tai Pune laga IT park te kam kori thakise, kintu acting tai laga asli passion thakise. Bachpan para tai stage aru camera samne thakibo laga dream rakhi thakise. Tai laga etu passion tai ke Marathi cinema te loi ahise aru aaste tai acting para attention pai thakise.
Tai laga most popular film hoise Ek Sangharsh Mastercha (2018 te release hoi thakise) aru last time Netflix laga Jamtara season 2 te dekhi jaise.
Jamtara 2 hoise 2020 te release hoi thaka Netflix series Jamtara: Sabka Number Ayega laga sequel, kuntu ekta chotu town Jharkhand te thaka young men group laga phishing racket upar te base kori thakise.
Series laga main cast te ase Sparsh Shrivastava, Monika Panwar, Anshuman Pushkar, Amit Sial, Dibyendu Bhattacharya aru Aksha Pardasany. Show te Soumendra Padhi laga direction te banai thakise aru September 23, 2022 te Netflix te release hoi thakise.
Add Comment