SAI para David John laga resignation manishe

Agencies, 25 August: Tuesday te Sports Authority of India (SAI) koise, Australian David John laga resignation High-Performance Director of Hockey India te manishe. John toh August 18 direk tai laga post para joldi resign hoise koile kelay koile India te COVID-19 cases othi thaka karni para health safety opor te monchinda thaka nemide.
SAI koise, “Tai para aji kali India te COVID-19 situation thaki thaka opor te monchinda kora koise aro tai Australia te koraijabole echa howa janaishe”.
John laga contract toh etu par he SAI para September 2021 tak othaideya thakise. Khobor hisaab te etu Australian toh Hockey India ke kushi napowa toh janishe. Tai ke Hockey India top brass para kaam laga fesla kora te namela nahoile ignored kora te kushi napowa toh janishe.
John ke toh ek moina te USD 12,000 poisa pai thaka ase aro tai toh mid-March para coronavirus lockdown suru howa samai para New Delhi te khor para kaam kori thaka ase koise. Tai Indian hockey te toh 2011 para thaki thaka ase.