September 3, 2020. Bollywood star Saif Ali Khan para director Om Raut logot melikena next film Adipurush bonaboli ase koishe. Etu film toh Saif Ali Khan para Om Raut logot melikena bona te tuita wala ase. Boila be Saif aro Om melikena Tanhaji film te kam korikena ase. Aro film toh 2020 saal te release hoishe. Saif Ali Khan para Adipurush te Lankesh koikena sobse tangor dushman olaboli ase, koikena Thursday din te South Indian film star Prabhas para social media te junai thishe. Prabhas laga Instagram followers toh 5.2 million ase aro tai para Saif toh Adipurush film te Lankesh laga role koriboli koishe. Tai para lekishe ke “7000 agae saal te duniyaa laga thimak thaka satan ase”. Film laga khobor toh aro rokiase. Besas ase ke, Adipurush toh tangor kisa hoikena satan oper te kamyab kora ase. Adipurush film toh Prabhas laga 22nd film hobo aro film toh Hindi aro Telegu kotha te bonabo. Film toh 3D hoikena Tamil, Malayalam, Kannada aro dosura international kotha para be bonaboli ase koishe. Hoilebi, Adipurush laga budget toh janai deya nai, Prabhas office laga osor khobor para koishe ke, film toh besi tangor budget laga ase. Adipurush toh 2021 atha saal samay shot koribo aro 2022 saal te released hoboli koishe. Junai deya nemite kushi para, Kareena Kapoor para social media te Saif oper te shared korikena koishe ke, “history te sobse handsome satan….ami laga Saif Ali Khan”. Saif Ali Khan para aro antagonist Udaybhan role toh Om Raut laga film Tanhaji te korishe koishe.
Add Comment