Mumbai, 16 January : Actor Saif Ali Khan ke Mumbai te thaka ghar te ekta attempted robbery time te attack kora hoise, aru etiya Lilavati Hospital te admit kora ase. Actor laga team Thursday dupor te ekta statement te confirm korise ki surgery pora ulai jaise aru “dangor khotir bahar te ase.” Statement te likha ase, “Saif Ali Khan surgery pora ulai jaise aru dangor khotir bahar te ase. Tai etiya recovery te ase aru doctors khan tai laga progress monitor korikina ase. Sob pariwar safe ase aru police khan itu ghotona nimite investigation suru korise. Dr Niraj Uttamani, Dr Nitin Dange, Dr Leena Jain aru Lilavati Hospital laga team ke dhanyobad janai ase. Tai laga fans aru well-wishers khan ke bhi tai laga health nimite dua aru mon thakibole nimite dhanyobad.”
Lilavati Hospital laga COO, Dr Niraj Uttamani ekta statement te confirm korise ki, “Saif Ali Khan laga ghar te ekta unko manu pora attack kora hoise. Tai ke 3:00 baje subah te Ibrahim Ali Khan aru tai laga caretaker logote hospital te loi aise. Tai laga sharir te 6 stab wounds paise, jun modot 2 deep ase aru ekta spine laga nazhik ase. Spine laga nazhik ekta choto foreign body identify kora hoise. Tai surgery korise jun Dr Nitin Dange, Consultant Neurosurgeon, Dr Leena Jain, Consultant Plastic Surgeon, Dr Nisha Gandhi, Consultant Anaesthesiologist, aru team pora handle korise. Surgery khotom koribo pora damage laga full extent bujhibole paribo.”
Tai laga wife, Kareena Kapoor laga team confirm korise ki Thursday subah ghar te ekta burglary attempt kora hoise. Statement te likha ase ki baki pariwar, Kareena aru tai laga dua lora, Taimur Ali Khan aru Jeh Ali Khan, safe ase. Incident time te Kareena, Taimur aru Jeh ghar bhitor te thakise. Saif tai laga pariwar ke bacha bole try korise aru itu time te tai injured hoise. Tai laga dangor lora, Ibrahim Ali Khan, tai ke hospital te loi aise.
Crime branch officials khan confirm korise ki suspect CCTV footage te capture no kora hoise, tai nimite suspect building laga back entrance pora andar jai, aru 12 flight stairs chori ase bishi probability ase. Suspect apartment te house help laga quarters pora gusise aru tai logote argument korise. Bacha laga room te suspect ke lock kora hoise, kintu tai palai jabole parise.
Dr Jalil Parkar of Lilavati Hospital SCREEN ke inform korise ki Saif ke Bandra te thaka ghar te stab kora hoise aru tai ke 3:30 baje hospital te admit kora hoise. “Saif Ali Khan ke ekta unko manu pora stab kora hoise tai laga Bandra ghar te, aru tai ke 3:30 baje hospital te loi aise. Tai laga sharir te 6 stabs paise, jun modot 2 deep ase aru ekta spine laga nazhik ase. Tai laga operation Dr Nitin Dange aru team pora korikina ase.”
Mumbai police confirm korise ki ekta unko manu tai laga ghar te gusise aru tai logote ekta scuffle te tai injured hoise. Itu bishoy te investigation cholise. DCP Zone 9, Dixit Gedam statement diya time te koise, “Ekta unko manu actor Saif Ali Khan laga ghar te gusise. Actor aru intruder laga bich te ekta scuffle hoise. Actor injured ase aru hospital te treat kora ase. Investigation cholise.”
Add Comment