Kolkata: Bangladesh cricketer Saif Hassan India te Visa expires hoi kena lampa dhakiya karne Kolkata airport te dukh paise aro Wednesday din te khor te wapas jabole karne fine Rs 21,600 dibole olaise.
Hassan toh Bangladesh team te back-up opener karne Test series nemede ahise tade tai khan India khan ke 0-2 pora harise.
Hassan, Eden Gardens te day-night ball Test miss kuriya manu tai laga team khan logot te tai laga six mohina laga Visa khotam howa najani kena dhakise.
“Tai (Hassan) laga visa duidin ake te expire hoi kena dhakise ari tai etu airport te janise. Tai pora booked hoi kena rakhiya flight te jabole pariya nai. Lampa dhakiya nuton rules hesab te, tai pora fine dibole olaise,” Bangladesh’s Deputy High Commissioner Toufique Hassan pora PTI logot te koise.
“Kobal phal hoi kena Indian High Commission tai laga visa bonai di kena tai ke wapas jabole clear kuri dise aro tai jowa kali wapas jaise.”
Saif aro paki team khan Monday din te wapas jabole dhakise hoile bhi young opener toh visa laga dictary baa karne Dum Dum airport te rukhibole olaise.
Add Comment