Saina Nehwal

Seoul, 27 September: Thursday din BWF World Tour Super 500 tournament de, India ace Saina Nehwal toh USD 600,000 Korea Open laga quarterfinals de kushise. Asian Games de bronze jeta purana world number one aro etu sal laga Commonwealth Games de gold jeta Saina toh Kim Ga Eun logode 21-18 21-18 pora jeta thakise. Tai jun laga khel toh 37-minute de kothom howah thakise. Fifth seed Saina toh 2017 world champion aro third seed Japanese Nozomi Okuhara logode khelibole ase. Against Okuhara logode Saina toh 6-3 pora agae de ase. Hoilebe tai Japanese logode last tui-par log kora be harise. India toh 10-2 pora agae hoi kena suru howah thakise. Hoilebe break de Kim pora 8-11 bonai deya thakise. Aram kora bechide, Saina toh 16-10 pora agae jai thakise. Hoilebe Korean toh six straignht points mari kena 18-18 pora draw korideya thakise. Jeni-deni lagi thaga three points toh Saina pora loi-kena opening game jeti lowah thakise. Second game de Kim gara pora korai ahha thakise. Tai 8-1 pora agae de thakise. Hoilebe experience Saina toh asti-asti kori kena 10-13 bonai deya thakise. Aro tai seven points loi-kena 17-13 ponjideya thakise. Etu time pora Saina pora contest toh jeti loise. January moina Indonesia Masters de Saina toh final tak pongja thakise aro tai Commonwealth Games jeta toh April de thakise. Etu time de tai PV Sindhu logode jaraideya thakise.