Saina Nehwal aro Sameer Verma final kushise

Agencies, 24 November: Purana tin par jeta Saina Nehwal aro reign champion Sameer Verma toh men’s aro women’s singles titles nemide ektum osor ase. Tai jun Saturday din Syed Modi International World Tour Super 300 laga finals deh ponjibole parise. Commonwealth Games silver medallists Satwiksairaj Rankireddy aro Chirag Shetty, aro Gold Coast bronze medallists Ashwini Ponnappa aro N Sikki Reddy bee men’s doubles aro women’s doubles  deh parikena ase. Etu sal Swiss aro Hyderabad deh jeta third seed Sameer toh Indonesia’s Chico Aura Dwi Wardoyo logode 21-13 17-21 21-8 score pora men’s singles semifinals jetise. Tai jun laga khel toh 57-minute time deh kothom howah thakise. World number 16 Indian toh title jetibo karni HSBC BWF World Tour Finals paribo lagibo.  Tai next sixth seeded Chinese Lu Guangzu logode khelibole ase. Judi tai jetise koile Guangzhou Rankings  deh tai Japan’s Kenta Nishimoto logode No. 8 deh hataidebole (move) ase. Second seed Saina pora be Indonesian Ruselli Hartawan logode 12-21 21-7 21-6 score pora jetise. Etu pora tai next China’s Han Yue logode khelibole ase. Tusara semi-final deh China’s Han Yue toh compatriot Li Xuerui logode 21-15 19-21 21-9 pora jeta thakise. Men’s pair Satwiksairaj aro Chirag pora be Denmark laga London Olympics silver medallists Mathias Boe aro Carsten Mogensen logode 22-20 25-23 score pora jetise. Etu par tai jun Denmark pair logode jeta toh 5 time kosish kora bechideh first time jeta laga ase. Hyderabad deh Super 100 title jetikena thaga Indian duo toh second seeded Indonesian pair Fajar Alfian aro Muhammad Rian Ardianto logode men’s doubles finals khelibole ase. Women’s doubles deh Ashwini aro Sikki pora be Russian pair Ekaterina Bolotova aro Alina Davletova logode 21-18 21-16 score pora jeti kena ase.