Saina Nehwal, Kidambi Srikanth Pora World Badminton Championships Te Chitise

Basel: Tuesday laga  World Badminton Championship te Saina Nehwal pora Netherlands’ Soraya de Visch Eijbergen ke second round te harai dise.

Eighth-seeded Indian pora ta laga Dutch opponent ke ektam aram pora 21-10, 21-11, te harai di kena pre-quarterfinals te jaise.

Kidambi Srikanth pora bhi wapas ahi kena Israel laga  Misha Zilberman  ke13-21, 21-12, 21-16 pora harai dise. India laga doubles campaign toh Arjun M aro  Ramchandran Shlok duijun Chinese pair Cheng Liu aro Nan Zhang duijun logot men’s doubles laga second round te harai kena khotam hoise. Indian pair duijun  14-21, 13-21 pora harise.

Duibar  national champions Manu Atri aro B Sumeeth Reddy pora Han Cheng Kai aro Zhou Hao Dang duijun ke 21-16, 21-19 pora second round te harai dise.

Olap ake te, PV Sindhu pora Chinese Taipei’s Pai Yu Po ke 21-14, 21-15 pora 43 minutes lampa match te harise.

Ashwini Ponnappa aro N Sikki Reddy, women’s doubles event, te Chinese 7th seeded pair Yue Du aro Yin Hui Li duijun logot 20-22, 16-21 pora harise.

Aro, Indian duijun Jakkapudi Meghana aro Poorvisha S Ram 8-21, 18-21 pora Japan laga Shiho Tanaka aro Koharu Yonemoto ke women’s doubles larai dise.