Saira Banu para X debut korise 81st birthday te

New Delhi, 23 August : 1960s laga actress Saira Banu Instagram te bahut active ase aru tai laga social media post khan te nijor emotions rakhibi karone jana jai. Itu veteran actress aji laga 81st birthday celebrate kuri ase aru tai ekta nija laga notun debut mark kuri dise. Nai! Tai acting comeback nohoi aru kunuba entertainment industry te wapas auna nohoi, kintu aji, August 23 te, tai laga X debut kori dise. Saira, juntu tai laga Instagram te throwback post khan karone bhal pai jai, tai laga X profile te bhi Dilip Kumar logot laga purana memories share kuribo. Itu veteran actress duita purana photo X te share kori dise. Ekta photo te tai nijor ekla thaki cake kati thaki ase, aru dusra photo te tai laga late husband aru actor Dilip Kumar logot ase. Tai laga caption te likhise: “Aji, moi notun ekta saal te pair dhuri thakina, moi sob logot thaki Life uporte kotha koribo, Memories phiribi aru sob kotha juntu Dilip Sahib ke amikhan laga mon khan logot rakhise.” Tai laga 81st birthday te, Saira Banu Instagram te bhi ekta post share kori sob manu khan ke dhanyobad janai dise, jiman manu tai laga life te bhalpa aru support dise. Tai laga grandmother, mother aru brother ke bhi yaad kori dise. Itu ke chari, Saira tai laga late husband Dilip Kumar ke bhi smoroniya kori dise.