SaiSure Multnutrient Health Mix to School Children laka launching program lui shae

September 26, 2024: PM Poshan laka pitor deh taka SaiSure Multinutrient Health Mix to School Children laka launching program tho Government Middle School, Peren Town Block deh lui shae, 26^th September 2024 din deh. Sri Sathya Sai Annapoorna Trust, National Manager, Allath Santosh para taila address deh dangor hua bacha deh nutrition tho kiman zaruri ase, etu deh kotha kuri shae. Tai para kinaka SaiSure Multinutritional supplement para bacha kan laka health keh bhal kuri bole motot kuri bo, etu deh kotha kuri shae. Santosh para bacha kan laka majo deh malnutrition laka problem hat abo karne, sob manu laka collective efforts aro sacrifice lakeh kui shae. Launching program time dhe, Deputy Commissioner, Peren, Hiazu Meru para Sri Sathya Sai Annapoorna Trust and state Education  department keh praise kuri shae, initiative karne aro school jah bacha kan keh healthy nutrition laka importance tho janai dia karne b praise kuri shae. Tai para national education policy 2020 deh b kotha kuri shae, kuto India deh taka education system keh aro inclusive aro equitable bana bole aim ase.  Tai para education tho fundamental ase kui shae, full human potential keh achieve kuri bo karne aro etu tho department laka responsibility ase kui shae. DC para aro Sri Sathya Sai Annapoorna Trust, National Manager, Allath Santosh aro Education department keh program tho continue kuri bole encourage kuri shae, health nutrition keh aro bhal kuri bo dibo karne. Deputy Director, School Education, Avinuo aro Chairperson, Peren Town council, Mireulung Sephe para short speeches kan di shae. GMS Peren Town para special song kuri shae aro SDEO Tening, Teisi para  vote of thanks di shae. Launching program tho Town Councilors, head teachers, Principals aro Government Schools laka representatives kan para attend kuri shae.