LONGLENG,SEPTEMBER 04,2019: OSC Longleng Block khan para paanch din laga Awareness programme on Sakhi-One Stop Centre loishe.Aro etu toh 3rd September 2019 te khotom hoishe .
Etu programme toh nou ta bosti etu te Bhumnyu, Dangkhao, Oushok, Hukphang, Lingtuk, Mongtikang, Pongching aro Orangkong para 30th August para 3rd September 2019 tak loishe.
Resource person, C. Henchem Phom, Centre Administrator (OSC) Longleng para Sakhi-One Stop Centre laga functioning uporte kotha kurishe aro ki ki schemes khan ase aro kinika etu khan lobo .Tai para alag alag kisim assistance khan diya toh etu maiki khan nimete etu te legal aid, medical assistance, police assistance aro counseling service dibole laga kotha kurishe.Tai para gathering khan ke women helpline number 181 kuntu toh 24x 7 ase maiki khan bhal nimete kotha kurishe.
Nyangyungsangla. Phom Counsellor (OSC) para Protection of Women against Domestic Violence Act of 2005, uporte kotha kurishe etu te tai koishe etu act ola toh maiki khan ke bachabole nimete alag alag kisim violence para aro tai para gathering te alag alag legal rights uporte kotha kurishe.
Etu programme te Church Board, Village Council, Village Level Organizations (VLOs) NRLM, Asha & Anganwadi workers, host of Women Elders & Leaders khan sob bosti para ahise.
Add Comment