WOKHA,AUGUST 10,2019: Springdale School, Wokha 9th August 2019 te Sakhi-One Stop Centre (OSC) khan para OSC functioning laga awareness programme loishe .
Myingthunglo Odyuo, OSC laga intern para alag alag kisim laga violence uporte kotha kurishe .Students khan ke kotha kura time te Odyuo koishe ki benificiaries khan maiki aro bacha /maiki 18 sal para nichede thaka khan ase .Etu benificiaries khan centre para support aro assistance khan pabole paribo etu para immediate emergency aro non- emergency services khan etu te medical, legal, psychological aro counseling support ase .
Advocate, Nancy, Case Worker OSC, Wokha para protection of children from sexual offences Act, 2012 (POCSO), uporte kotha kurishe etu te tai koishe ki etu act toh shuru huwa toh bacha khan ke sexual assault, sexual harassment aro pornography para bachabole nimete ase .
Tai para students khan ke human body laga charta private areas te kotha kurishe aro bhal aro biya chuwa laga kotha kurishe judi manu khan tai khan laga private area te chuishe koile toh tai khan laga ama baba khobor dibole lagibo kun para etu toh police khan ke khobor dibo paribo.
Etu team khan para Domestic Violence, Cyber crime laga flyers aro pamphlets aro toll free number 181 student aro teachers khan ke dishe.
Add Comment