New Delhi, August 29 : Salman Khan tu aro ekbar tai laga nephew(bhanja) Ayaan Agnihotri logotey ekta musical(gana laga) collaboration nimitey eksath ahisey. Taikhan laga party gana, ‘Party Fever’ success huwa picheyte taikhan duijun para milikina ekta nutun gana release kurisey kuntu laga title ‘You Are Mine’ asey.
Hoilebi etu baar taikhan laga collaboration kora tu olop alag asey. Etu baar Salman Khan tu khali music video te thaka hey nohoikina tai para etu music video nimitey tailaga awas bi disey. Etu gana tu etya Salman Khan laga official YouTube channel te available asey.
Etu collaboration(milikina kaam kora) para Salman Khan para kinaka tailaga bhanja Ayaan laga music industry te suru hoithaka career te lagatar support di asey etu dikhai asey.
Etu gana te, Salman para pura gana gai aro Ayaan para English te rap marikina tailaga talent dikhai. Etu gana tu 4 minute 35 second laga asey. Aro etu gana ke Vishal Mishra para compose kurisey. Lyrics tu Salman Khan aro Sanjeev Chaturvedi para milikina likhisey.
‘You Are Mine’ music video tu enaka scene para suru hoi kotey Salman tu tailaga next sketch banai thakey. Ayaan ahikina tailaga dimag te ki chuli asey etu hudey.
Salman para etu nutun release huwa love song te aro ekbar tailaga gana kora laga talent dikhaisey. Etu music video ke Haider Khan para direct kurisey aro rap tu Ayaan para likhisey.
Add Comment