September 21, 2024: Actor Salman Khan, kun recently Mumbai para Dubai deh jai shae, tai city deh shopping kura diki shae. Actor tho mall deh birai taka diki shae videos aro pictures kan deh. Ekta video deh, Salman tho taila bodyguard Shera aro taila laka team laka laka members kan lokot deh birai taka diki shae. Tai alak manu kan lokot deh b kotha kan bishi kuri shae, Actor aro Shera para ekta maike keh b mili nah hug kuri shae. Alak ekta video deh, Salman tho ekta store pitor deh diki shae, kuteh tai trousers kan check kuri taki shae. Ekta fan account para X deh Salman laka photo kan post kuri shae. Tateh Salman tho singer-songwriter aro dancer Jason Derulo aro alak tuita maike lokot deh pose kuri taki shae. Caption deh etu liki nah taki shae,” Megastar #salmanKhan aro #JasonDerulo lokot deh aro ekta pic, fangirls kan lokot deh.” Actor tho taila day out karne, ekta blue T-shirt, kala trousers, ekta cap aro shoes lakai taki shae. Taila Dubai laka brief trip piche deh, Salman tho Mumbai deh wapas jai shae, Saturday din deh. Salman Khan laka next film tho Sikander ase. Film tho Salman aro Sajid Nadiadwala laka reunion keh mark kureh, taikan laka previous successful collaboration Kick, Judwaa aro Mujhse Shaadi Karogi piche deh. Etu film tho AR Murugadoss para direct kuri shae aro aha Eid deh release hobo leh set ase.
Salman Khan Dubai deh shopping karne jai shae aro Jason Derulo lokot mili shae
Add Comment