Friday, November 14 – Bollywood superstar Salman Khan ekta public interaction te emotional hoi jaishe Dharmendra laga kotha kuri thaka homoi te. Tai nijor fitness journey aru personal values koi thaka homoi te, Salman koishe ki Dharmendra tai laga bade inspiration ase, aru tai industry te aha age para hai Dharam ji ke ekjon idol hisap te rakhishe. Tai gom-diya mon para koi she “He is my father, that’s the end. I love that man and I just hope he comes back stronger.”
Etu kotha ahishe ekdom sensitive homoi te, Dharmendra tai laga recent health problem para ghore thaki recovery kori ase. Fans khan bhi veteran actor laga health upor te tension kori ase, aru Salman laga emotional message te social media pura warm reactions para bhari jaishe. Bishi manu tai laga respect aru love dekhai thaka kotha appreciate kori ase.
Salman aru Dharmendra laga relationship agor para hai ekta mutual admiration para bharik ase. Dharmendra age bhi Salman ke tai laga nijor murum bacha nishena koishe, aru Salman bhi bishi bar Dharam ji ke tai laga role model hisap te recognize kori thake. Bollywood te competition bishi thakina bhi, loro dhuijon laga bond ekdom sincere aru heart para connect thaka ekta udharon ase.
Dharmendra laga recovery choli ase, aru Salman laga etu emotional message fans khan laga mon dukh-ra-kushi mila kori dishe. Etiya bhi etu kotha remind kuri ase ki Bollywood laga glamour piche te, asli respect, bonding aru family nishena relation bhi thake.
Add Comment