Salman Khan kae death threats dishey, Goldy Brar lah ekta mota lah nam pra, Mumbai police pra lookout notice  issue kurishey.

May 9, 2023 : Sob manu lah suku Salman Khan lah upur asey, tai lah latest Eid release , Kisi Ka Bhai Kisi Ki Jaan, theatre deh ola bichedey.

Etu film tho expect kura nishina, box office deh baal kura nai. Hoilibhi  fans khan etu film lah actor kae kushi pai. Hoilibhi  etu sob kae chari di  kina, fans khan sob taikhan lah suku, Salman Khan lah upur dae asey, tai kae several death  threats pai kina.

Gangster Lawrence Bishnoi kun reportedly involve thakishey Siddhu Muloosewala lah murder deh aro  tai itya  involve asey Salman Khan lah death threats dia lah case deh. In fact, etu gangster pra interview ekta dae death threat dishey Salman Khan kae, ki tai Bishnoi community kae apologise kura nai Hoiley, tai kae moraidiwo kuishey. Aro itya lah latest news tho Mumbai police pra lookout notice issue kurishey accused lah upur.

ANI lah reports hisab pra  koi ase ki etu manu kun Salman Khan kae death threats di dae email pra, tai lah nam tho Goldy Brar asey. Apparantly, etu suspect tho Haryana lah resident asey aro itya currently UK dae medical studies  pursue  kuri asey. Tai pra alledgedly etu Dabangg star kae email pra death threats di asey, Gangster Goldy Brar lah nam pra. Etu kae follow kuri kina, Salmaan Khan kae Y+ security dishey  koi kina janai di asey.