Agencies, 04 September: Bollywood actors Salman Khan aro Katrina Kaif aji kali tai khan laga ahibole film Tiger 3 nemite shoot kori ase aro tai jun toh Friday te Mehmet Nuri Ersoy, minister of culture and tourism of Turkey aro tai laga delegates ke lok korise. Meeting para photos toh minister para tai laga official Instagram account te share korise. Photo logote tai toh Bollywood laga famous actor, Salman Khan aro Katrina Kaif ke lok korise koise. Actor toh aji kali Turkey te notun projects nemite shoot kori ase. Turkey para besi international cinema projects host kori thakibole ase koise.
Poila ‘Tiger 3’ toh duniya te Covid-19 ola nemite rokhai kena rakha thakise. Etu toh spy thriller franchise laga third part ase aro etu te Maneesh Sharma para direct korise. First instalment ‘Ek Tha Tiger’ toh Kabir Khan para direct kora thakise aro etu toh 2012 te ola thakise. Second ‘Tiger Zinda Hai’ toh 2017 te ola thakise aro etu toh Ali Abbas Zafar para direct kora thakise.
Add Comment