Salman Khan kotha kurishe ekta female fan tai ghor gusi ja laka

India, 22 June 2025: Actor Salman Khan recently ekta olop alak incident laka kotha, jun tu tai Mumbai te thaka Galaxy Apartments te hoishe. Actor tu The Great Indian Kapil Show Season 3 te appear korishe, aru tai ekta female fan pora tai building bhitor gusi ja laka tai kotha koishe. Show te, host Kapil Sharma Salman ke hudishe fans khan suitcase loi kina ghor te ahi laka. Salman confirm krishe aru koishe, “Hoi, etu recent time te hoishe. Ekjon maiki security guard khan ke koishe ke tai fourth floor jabo lage. Tai building bhitor gusi jaishe, doorbell bajai dishe, aru moi laka servant door open kori dishe.” Salman koishe, “Servant to shocked hoi jaishe, karon maiki tu koishe, ‘Salman ne bulaya hai (Salman moike matishe).’ Kintu servant jani thakishe ke moi kon ke bhi matia nai.” Archana Puran Singh, jun show te regular guest ase, hudishe ki maiki tu ulai dishe na nai. Salman koishe “Hoi, tai ekjon fan ase, tai ke peacefully loi jai dishe.” Etu incident May month te hoishe. PTI report hishap te, maiki tu Isha Chabria, 36 sal, Khar pora aha ase. Tai building bhitor gusishe aru koi dishe ke Salman tai ke invite korishe. Tai Salman flat ponchi kina knock korishe. Staff khan hoda hodi kuri kina bujhi jaishe tai ke invite kora nai. Police khan ke call kora jai aru FIR file kurishe. Salman last bar dekhi jaishe film Sikandar te, juntu te Rashmika Mandanna bhi thakishe. Kintu etu film box office te bhal performance diya nai.