New Delhi, June 2 : Salman Khan tu recently Anand Ambani aro Radhika Merchant laga wedding ageyte jashan mana laga second leg nimitey Itay te thakisey. Tai tatey thaka homoitey, yatey India te police khan para tailaga ghor te guli mara mari huwa aro Lawrence Bishnoi gang para dhomki pa laga ghotna te investigation tej kuridisey . Tailaga musibat te ekta nutun addition tu ekta Delhi te boha maiki tailaga farmhouse laga bahar te aha juwa kurikina taikey shaddi kuribole demand kurisey.
Times of India laga hisap te, Delhi laga ekjun 24 years laga maiki kun nijor ke Salman Khan laga die-hard fan matey, tai Salman laga Panvel farmhouse laga bahar te pungchikina taikey lok kuribole laga demand pura kuribole izazat dibole demand kurisey. Etu ghotna huwa homoitey Salman Khan tu etu jag ate thakanai . Hoilebi busti manu khan para logalog sobsey osor te thaka police station ke inform kurisey aro etu maiki laga badmash harkat laga proof dikhabole nimitey tailaga video bi record kurisey.
Etu video te, etu fangirl tu lagatar tai Salman Khan ke shaddi kuribole mon asey. Joldi hi, Panvel Taluka Police station laga police khan para taikey dhurikina Social and Evangelical Association for Love (SEAL) koikina ekta NGO te agey counseling dibole nimitey loijaisey.
Etu picheyte etu NGO para taikey Kalamboli laga MGM Hospital te psychiatric treatment nimitey admit kurisey aro tailaga ama ke Delhi para matisey Etu maiki ke 8-din treatment aro counseling diya picheyte tailaga ghor te wapas loijaisey.
Add Comment