November 8, 2024: Lawrence Bishnoi Gang laka hath para ekta death threat pai nah tui din hua piche deh Salman Khan aro ekta damki ekta pai shae, Thursday, November 7 din deh. ANI laka isap deh, ekta najana manu laka against ekta case register kuri nah ase, Worli police para.
ANI para Mumbai police kan Friday din deh etu kui shae kui nah report kuri shae: “ Salman Khan, Lawrence Bishnoi gang laka hath para ekta damki pai shae aro etu damki tho Mumbai Traffic Control Room pai shae. Worli Police para ekta najana mana laka against ekta case register kuri nah ase. Investigation tho kuri ase itia.”
Hindustan Times laka ekta Mumbai Correspondent para etu kui shae,” Mumbai Traffic Police Helpline number para aro ekta message pai shae. Taikan Bollywood Star, Salman Khan laka hath para Rs 5 crore mangi taki shae. Message para star keh damki di shae. Lawrence Bishnoi gang laka members kan para ekta songwriter keh b murai di bole damki di shae, kun para Lawrence Bishnoi deh ekta gana liki shae aro kun actor keh support kureh, taikan keh hatai di bo kui shae. Taikan para actor keh, tai pari leh tho writer keh bajai di b kui shae. Traffic Police para Worli police kan FIR register kuri ase kui shae.”
Add Comment