Entertainment

Salman Khan, Lieutenant Governor of Ladakh Kavinder Gupta ke log paise

6 months ago

Leh, 13 September : Bollywood superstar Salman Khan Saturday din Raj Niwas, Leh te Ladakh laga Lieutenant Governor Kavinder Gupta logot ekta courtesy visit kori thakise. Salman blue shirt aru denim jeans pora thaki kene LG logot ekta pleasant meeting korise, juntu te dui jon smile kuri kene kotha kori thakise.

Salman Khan ke Ladakh laga LG ekta Thangka Canvas painting gift kori dise, juntu te Buddha laga life traditional Buddhist art style te dekhaise. Dui jon painting logot pose kuri dise, juntu signify kore ki Raj Niwas, Leh te ekta pleasant meeting hoise.

Lt. Governor Office of Ladakh Saturday din ta laga X handle te itu courtesy visit laga khobor share kori dise. Ta khan likhi thakise, “Bollywood icon Salman Khan paid a courtesy visit to the Hon’ble Lt. Governor Shri @KavinderGupta at the Raj Niwas, #Leh.”

Itiya Salman Khan ta laga courtesy visit ta asey ta laga shooting schedule majot, juntu te tai upcoming film ‘Battle of Galwan’ karone Leh te shooting shuru kori dise. Itu film karone Salman Khan military uniform te picture Instagram handle te share kori thakise. Tai laga rugged moustache aru commanding gaze ta fierce patriotism reflect kori thakise.

Apoorva Lakhia directorial ‘Battle of Galwan’ te Salman Khan Indian Army uniform don kori kene dekha jabo. Itu film India-China border te 2020 saal Galwan Valley clash laga uporte based ase. Itu clash te June 16, 2020 te India laga 20 soldier mori jaise aru China side bhi dangor casualty face kori thakise. Itu clash piche India aru China laga tension barhi jaise, aru army khan LAC, Ladakh side te deployment kori thakise, border survey kori thakise aru “possible” Chinese aggression stop kori bole step luishe.

Clash piche India aru China bisi border area para disengage kori dise aru bisi jagate buffer zone bhi create kori dise. Itu film te Salman Khan opposite actor Chitrangda Singh pair hoise. Film laga announcement video te Salman laga face te bloodstain dekhai dise, aru ta laga eyes te sheer patriotism reflect kori dise, aru itu film laga theme uporte elaborate kori dise.