Salman Khan para film set te diri pungcha, serious nuluwa laga iljam ke address kurisey

Mumbai, March 30: Salman Khan laga kunba co-star(ekey logotey ekta film te kaam kora actor khan) para tailaga tarif kurisey aro kunba khan para koisey ki Salman tu film shoot kora laga set te hodai diri pungchey aro tailaga film khan ke eman serious noloi. India Today logotey kora ekta nutun interview te, Salman para tailaga kaam kora laga  tarika ke manu khan kuntu nazar para sai etu share kurisey. Tai set te late pungcha laga kotha ke address kurikina koisey, “Ami diri pungcha aro amilaga kaam ke loikina serious nathaka laga bisi kahani hunisey. Ami 100 opor film kurisey- amilaga senior actor khan ke charikina kun para bi eman taak koranai. Ami hodai shooting karney late pungchi thakisey koiley nohoilebi joldi olaijaise koiley etu 100 film kuribole naparibo thakisey. Hoi, ekta discipline tu thakey, 100%, hoilebi amilaga timing tu alag asey. Kunba manu khan phujur 6 am para kaam kora suru hoi; Ami 11:30-12 majotey suru korey kilemaney ami logotey bisi dusra kaam khan bi kuribole asey, jaiseki paper sign kuribole, call kuribole aro exercise kuribole. Etu picheyte ami wapas ahikina, aram korey, coffee khai aro film laga scene  bujey. Rashmika(Mandanna) para etu janey ki ami ekbar set te pungcha picheyte, amilaga van te tak wapas najai aro boha bi nubuhey. Taikhan para kotey dorkar thakey tatey ekta tent lagaidiye aro ami tatey thakey.” Tai para agey barikina koisey ki etu misi-misi khobor khan para manu khan tailaga mehnat ke sa laga tarika tu galat kuridisey.