New Delhi, April 01: Randeep Hooda tu etya tailaga nutun release huwa film Swatantrya Veer Savarkar promote kurikina busy asey. Etu actor tu etu film te tailaga acting nimitey bi tariff pai asey. Youtuber Ranveer Allahabadia logotey kora ekta recent interview te, , Randeep para Salman Khan logotey tailaga rishta thaka laga kotha koisey.
Etu Swatantrya Veer Savarkar actor para Salman Khan laga kotha kurikina koisey, “Tai para amikey hodai bisi poisa kamabole aro bisi kaam kuribole salah diye. Tai para amikey koi thakey ki judi ami para etya kaam kurikina dhon nakamaisey koile, future tea mi dukh pabo parey. Ami para tailaga kunba avice khan hey manisey, hoilebi tai tu hodai amikey mon te bhal bhabna kurikina kotha korey.” Randeep para etu bi koisey ki tai Salman Khan laga advise ke huney hoilebi tai etu ke follow nokorey kilemaney tailaga bhabna kora laga tarika tu alag asey. Randeep aro Salman tu Kick, Sultan aro Radhe nisna film te eksath kaam kurisey.
Add Comment