Salman Khan toh tai laga 60th Birthday Celebrate kurishe koishe

December 28, 2025: Bollywood laga Superstar Salman Khan toh. Tai laga 60^th Birthday celebrate kurishe koishe. Yete tai laga osor sathi khan aru Family khan sob thakhishe koishe. Tai laga Farmhouse Panvel te thakhishe koishe. Actors Sanjay Dutt, Aditya Roy Kapur aru Cricketer MS Dhoni khan bi thakhishe koishe. Salman toh tai laga family eki logot ahishe koishe. Yete tai laga Baba Salim Khan, Ama Salma Khan, Dada bhai Sohail Khan aru Alvira Khan aru tai laga maiki Sshura Khan, Bhuini Arpita Khan Sharma aru Alvira Khan Agnihotri, Nephews aru Niece Arhaan Khan, Nirvaan Khan, Ahil aru Ayat khan sob thakhishe koishe. Etu toh Mumbai para 1 and Half kilometre dur thakhishe koishe. Riteish Deshmukh aru Genelia D’Souza, Aru taijun laga duita bacha chokra Riaan aru Rahyl, Mahesh Manjrekar, Sangeeta Bijlani, Ramesh Taurani, Nikhil Dwivedi, Huma Qureshi khan bi thakhishe koishe. Salman toh Cake bi katishe koishe. Aru hudai saal December 27 din te. Tai laga Niece Ayat laga birthday bi ase koishe. Aru Actor toh tai laga birthday farm house te celebrate kurea koishe. Aru tai laga sobse bhal films khan toh Andaz Apna Apna, Mujhse Shaadi Karogi, Maine Pyaar Kyun Kiya?, Partner, No Entry, Saajan and Hum Aapke Hain Koun…? khan ase koishe. Aru Salman bi Battle of Galwan te thakhibole ase koishe. Etu toh India laga sobse bhal fight laga ase koishe. Yete Banduk Guli ekta bi namari kina khilea laga ase koishe. Aru etu fight toh 15,000 feet upor sea level ase koishe. Etu movie toh Apoorva Lakhia para director kurea ase koishe. Aru etu toh Lokhandwala te shootout kuribole ase. Aru etu toh 2026 laga saal te release kuribole ase koishe.