Samantha Ruth Prabhu para koisey tai tu etya hey suru kuri asey nisna lagi asey

New Delhi, June 3 : Tailaga Telugu star laga position ke majboot kuridikina, Samnatha para tailaga pehchan tu web series ‘The Family Man 2’ logotey aro baraidisey. Etya, tai tu IMDb laga Top 100 Viewed Indian Stars of the Last Decade te 13^th spot te asey. Samantha para aro bisi kaam kuribole aro pehchan pabole laga tailaga bhook jataikina koisey, “Ami tu etya tak bi etya hey kaam laga suruwat kuri asey nisna lagi asey.” Ami logotey bisi exciting opportunity khan ahi asey aro ami tu aro bisi mehnat kuribole tayar asey. Tai Top 100 Viewed Indian Stars of the Last Decade te 13^th spot te thaka aro top 15 bhitor te South Indian actor majotey tai ekla thaka te react kurikina, Samantha para tailaga kamyabi laga karon tu “luck aro mehnat laga mixture” asey koisey. Etu IMDb list te sobsey first spot te Deepika Padukone thakisey, etu picheyte Shah Rukh Khan, Aishwarya Rai Bachchan, Alia Bhatt aro late(murija) Irrfan Khan thakisey. South Indian actors majotey Tamannah Bhatia 16^th spot te aro Nayanthara 18^th spot te thakisey. Samantha para recently film Bangaram te tai first time producer hoikina kaam kuribole asey koikina announce kurisiley. Etu film te tai leading role te bi thakibole asey. Etu opor te taikey, filmmaker Raj and DK laga release hobole thaka Hindi web series Citadel: Honey Bunny te bi dikhibole asey.