New Delhi, March 09: Telugu film director aro writer Nandini Reddy, kun mon khusi koraidiya, bhal feel koraidiya aro family laga bari te film bana nimitey jana jai, tai tu top south actress Samantha Ruth Prabhu logotey duibar film banaisey aro etya tailogotey aro ekta film banabole asey. Bengaluru International Film Festival (BIFFES) te recently cinema te kaam kora maiki khan laga bari te ekta group discussion kora homoitey, director Nandini Reddy para etu koikina audience ke khusi koraidisey, “Hoi, ami next film te Samantha logotey kaam kuribole asey!”. Etu ageyte tai Samantha logotey duita success huwa film Jabardasth aro Oh! Baby te kaam kurisiley. Interesting kotha tu, Samantha para December 2023 te tailaga production house Tralala Moving Pictures launch kurisiley. BIFFES te, cinema te maiki aro mota actor majotey tankha pa laga difference thaka laga bari te kotha kora homoiteu, Nandini Reddy para koisey ki Samantha para taikey enaka koisey ki tai (Samantha) para Tralala Moving Pictures under te tai para first produce kora film “Bangaram” te sobke ekey kaam nimitey ekey tankha disey. Samantha, kun etu film te lead role kurisey, tai tu tailaga film te mota-maiki sob ke ekey kaam nimitey ekey tankha diya first Indian film star asey. Aro etu kaam nimitey, Kannada star Ramya aro DOP Preetha Jayaram, kun etu panel discussion laga hisa thakisey, taikhan duijun para Samantha nimitey cheer kurisey.
Samantha Ruth Prabhu tu tai produce kora film te sob artist te ekey kaam nimitey ekey tankha diya first Indian star asey`
Add Comment