New Delhi: Public transport laga official koishe ki Delhi Transport Corporation (DTC) Monday din te Delhi-Lahore bus service te cancel kurishe kile koile Pakistan khan manishe etu shuru kuribole napara nimete etu ni India khan ke Jammu and Kashmir’s special status revoke kuribole nimete .
Saturday din te ekta senior Pakistani minister para khobor dishe etu friendship bus service Monday din para bandh kuridibole nimete . Delhi Transport Corporation (DTC) bus toh Lahore nimete Monday din 6 am te charikena jabole thaka ase hoilebi jaanai Pakistan khan para etu bus service ban kuri diya nimete .
Pakistan Tourism Development Corporation (PTDC) para Saturday de telephone para DTC ke etu service laga suspension uporte kotha kurishe.
Etu bus service akhe bar February 1999 te shuru kurishe hoilebi 2001 Parliament attack huwa pichede bondh kurishe .Etu toh aro bi July 2013 te wapas shuru kurishe.
Etu Lahore-Delhi bus service toh Ambedkar Stadium terminal near Delhi Gate para shuru kurishe . DTC buses toh Monday, Wednesday aro Friday aro PTDC buses toh Tuesday, Thursday & Saturday, hudai Delhi para Lahore tak hudai chuli thakeh.
DTC buses khan ahibole nimete Tuesday, Thursday, aro Saturday te chuleh aro PTDC buses toh Monday, Wednesday, aro Friday hudai thakeh.
Add Comment