Japan, October 4 – Ekta itihas bana para khan, Sanae Takaichi, 64-sal laga veteran leader, Japan-or ruling party Liberal Democratic Party (LDP) laga presidential election jiti jaishe, aru etiya tai Japan-or first female prime minister hobo pare. Takaichi-e Shinjiro Koizumi-ke closely contested runoff vote-te harai dishe, aru tai replace kuribo Shigeru Ishiba-ke, juntu resign kuri dishe LDP-led coalition July-te House of Councillors-te majority lose kuri lobo karone.
Takaichi ekjon conservative politician ase, aru LDP-te bishi bar minister post dhori thaka manu bhi ase. Tai Minister for Economic Security bhi thaki jaishe. Tai laga politics-te nationalist thinking ase, aru tai hamesha support kore Japan-or defense power strong kuribo karone, especially China aru North Korea laga threat-karone. Tai chahe Japan-or constitution change kuri dibo jate Japan nijor defense-te active role lobo pare.
Even though tai ekjon woman leader ase, analysts khan koi ase tai bishi feminist policy support nakore, kintu traditional Japanese values-ke emphasize kore. Tai laga Yasukuni Shrine visit bhi controversy bana thake, karon etu shrine-te Japan laga war dead aru convicted war criminals laga naam bhi ase — etu karone neighboring country khan jiman China aru South Korea tense hobo pare.
Etiya Takaichi nijor nava cabinet form koribo khan-te, Japan laga manuh khan expectation bishi ase. Tai laga leadership-te Japan-or next direction thakibo — conservative politics, economic problem aru regional security laga balance rakhibo laga bishi challenge hobo pare.
Add Comment