Mumbai, February 07: Sanam Teri Kasam tu almost 10 years picheyte theatre te wapas ahi asey. Etu film tu first release huwa homoitey bhal perform koranai. Hoilebi etu film laga re-release laga advance booking para dikha hisap te enaka lagi asey ki etu bar etu film tu bisi bhal perform kuriasey.
Sanam Teri Kasam para advance booking te top national chain laga first din te 20,000 ticket bikri kurisey. Kunba online portals jaiseki Koimoi para claim kurisey ki etu film para 39,000 maan ticket bikri kurisey. Etu number tu bisi high asey. Aro Loveyapa nisna nutun release huwa film para bi bisi asey. Ticket laga daam komti range te rakhikina, first-din laga collection tu Rs 2 crore maan hobo lagey.
Enaka report olai asey ki Himesh Reshammiya laga film ‘Badass Ravi Kumar’ tu opening din te Rs 5 crore opor kamabo aro Loveyapa tu opening din te Rs 1-2 crore maan kamabo.
Etu film te Harshvardhan Rane aro Pakistani actor Mawra Hocane lead role te asey. Etu film tu February 07 te theatre te re-release hobole asey. Etu film ke Radhika Rao aro Vinay Sapru para direct kurisey. Jitya ‘Sanam Teri Kasam’ film tu OTT(Netflix nisna online platform) te release hoisiley, audience khan para etu bisi khusi paisey.
Etya etu film tu Laila Majnu aro Tummbad nisna film laga successful re-release logotey mukabala kuribo paribo na nai etu sabole baki asey. ‘Laila Majnu’ aro ‘Tummbad’ duita bi theatre te first release huwa homoitey bhal response napaikina thakisey.
Add Comment