Delhi, 10 March 2025: Central government khan Monday din te ekta nutun report cite kuri shey Central Pollution Control Board (CPCB) pra parliament te aro koishey pani toh Ganga te Triveni Sangam te Prayagraj te fit thaki shey gosul kuribo leh recently khotom hwa Maha Kumbh time te. Triveni Sangam toh jaka ase kute Ganga toh Yamuna aro Saraswati nodi ke lok pai. Government khan pra aro koishey taikhan Rs 7,421 crore dishey National Mission for Clean Ganga (NMCG) khan ke nodi toh sapa kuribo leh 2022-23, 2023-24 aro 2024-25 te (March 9) tak.
Samajwadi Party MP Anand Bhadauria aro Congress MP K Sudhakaran pra question laka jawab te, Union Environment Minister Bhupender Yadav pra koishey ki CPCB report laka hisap pra, pH laka media value, dissolved oxygen (DO), biochemical oxygen demand (BOD) aro faecal coliform (FC) sop monitored locations te permissible limits te thaki shey gosul kuribo leh. DO toh pani te oxygen kiman ase etu ke koi, BOD toh oxygen kiman lageh organic matter ke break down kuribo leh measure kureh aro FC toh indicator ase sewage contamination laka. Etu khan pani quality laka key indicators khan ase.
Add Comment