Mumbai, 27 December : Mumbai Friday itu saal laga concert season ke bhot spectacular bhabe close korise, jitia singer-rapper AP Dhillon tai laga One on One tour laga part hisab te power-packed performance dise. Rati laga sabote dangor highlight ase actor Sanjay Dutt laga surprise on-stage appearance. AP aru Sanjay laga unexpected collaboration dekhi crowd pura frenzy te jaise aru itu moment turant sabote besi charcha kora moment boni jaise. Itu pichete, actor Tara Sutaria bhi AP laga logote stage te ahise Thodi Si Daaru karone, jitia fans pora dangor cheers ahise.
Old Money (The Brownprint, 2024) somoy te jitia Sanjay stage te ahise, AP audience ke tai ke introduce kori koi dise,
“Yo Mumbai, make some noise for this legend man.”
Itu koi thaka logote crowd pura phuti ulale. Duijon majot ekta warm moment bhi ase. Respect dikha bole AP ke stage tei Sanjay laga paani (paayen) chhuwa dekha jaise.
Emotion te bhorti hoi, Sanjay bhi tai laga feeling ulai dise aru audience ke koi dise,
“Yeh mera chhota bhai hai… Punjabi munda… Thank you.”
Sanjay aru AP laga bond notun kotha nohoi. 2024 te duijon Old Money music video te ekloge kaam korise, juntu fans pora bhot bhal response paisey. Audience pura jori ulale, contemporary music aru iconic cinema laga itu rare aru unexpected collaboration ke celebrate kori. Itu moment te nostalgia aru novelty duitae feel ase.
Aru ekta dangor highlight ase Tara Sutaria laga stage te ahowa. AP aru Tara majot ekta light-hearted moment ase, jitia AP tai ke hug kori aru gaal te ekta kiss dise, juntu dekhi crowd aru besi khushi hoise.
Venue pura voice aru energy te bhorti hoi jaise, jitia fans groove korise, jump korise aru dance korise. AP laga prottek performance ekta concert nohoi, ekta shared celebration nisina feel dise.
Longtime collaborator Shinda Kahlon laga logote, AP Dhillon ekta bhal paced aru dynamic setlist present korise. Tai laga chart-topping anthems Excuses, Insane, Summer High, With You, aru Desires laga logote, notun fan favourites Hitmen, Afsos, STFU, Without Me, aru Thodi Si Daaru bhi khelise. Prottek song te dangor applause ahise, aru kisu moment te AP nijor pichete jai audience kei pura gana handle koribo dise, jitia songs collective anthem nisina boni jaise.
Celebrity presence bhi AP Dhillon laga One on One India tour 2025 laga ekta main feature hoi thakise. Concert enjoy kori thaka besi known faces majot Talwiinder, Orhan Awatramani, Rajat Bedi, Veer Pahariya, Riva Arora, Munawar Faruqui, Faisal Shaikh, aru Manara Chopra bhi dekha jaise.
Rati ke asal te alag kori diya kotha ase crowd laga atmosphere. Front row pora venue laga last end porjonto, fans pura immersed ase—prottek lyric, prottek word, prottek beat logote gaise aru nonstop dance kori AP Dhillon laga energy pora inspire hoise. Itu concert ekta communal experience nisina feel dise, music, emotion aru celebration pora sob ke ekloge bandhi dise.
Rati end howa somoy te, AP Dhillon ekta triumphant note te sign-off korise aru Mumbai ke ekta unforgettable experience diya.
Team Innovation aru BookMyShow Live pora organise kora AP laga One on One tour December 28 (Sunday) te Jaipur te officially end hobo.
Add Comment