India, 29 July 2025: 2018 te release kora Sanjay Dutt laka biopic Sanju te, actor Ranbir Kapoor jun Dutt ke role play korishe, ekta dialogue te koi dishe ki Sanjay Dutt laka relationship thaka number 350 maiki logot takishe — aru etu number te sex worker include nai. Director Rajkumar Hirani past interview te janai dishe ki etu movie te Dutt laka real life story include kora ase — juntu te ulai ase ki tai 300 pora beshi romantic relationship manage korishe. Hirani bhi koi dishe ki Sanjay Dutt notun girlfriend logot bond create koribo karone ekta psychological method use korishe — tai manu ke ekta random grave loijai koi dishe ki etu tai laka ama laka ase, jate emotional attachment create hoi jabole. Ranbir Kapoor bhi later ekta interview te clarify korishe ki etu number estimate thaki ase, confirm number nohoi. Tai hasi kina koi dishe, “Prostitute include nai… Moi to 308 tak yaad ase. Safe side te koi dibi, 350.” Sanjay Dutt bhi 2007 te Koffee With Karan show te openly kotha koi dishe tai laka past relationship laka. Jitu time te host Dutt ke hodishe ki olop beshi manu logot relation thakishe naki, tai simply koi dishe, “More,” aru tai laka boini Priya hasi dishe disbelief te. Movie Sanju te jitu number ulai dishe, etu exaggeration thaki pare, kintu etu Dutt laka controversial life laka ekta part represent kore. Exact number jodi confirm nohoile bhi, Dutt aru Hirani duijon bhi indirectly support dishe etu story ke. Etu claim ekta cinematic effect laka part hobo pare, hoilebhi etu hissa Dutt laka iconic image ke stronger banai dishe.
March 11, 2026
World's First and Only Nagamese Newspaper
Add Comment