New Delhi, January 19: Indian cricket team laga wicket-keeper batter Sanju Samson, Champions Trophy 2025 squad te nathaka tu fans aro experts khan majotey ekta dangor charcha olaidisey. Olop din ageyte white-ball cricket te Samson laga khela laga tarika para taikey selection nimitey ekta strong contender banaisiley. Hoilebi media reports para dawa kurisey ki Vijay Hazare Trophy te tai nathaka para BCCI selector(selection kora manu khan) ke gusa uthaidisey. Samson ke tai ekta preparatory(tayari kora) camp attend nokora picheyte etu Champions Trophy 2025 tounament para olaidisey aro Kerala Cricket Assosiation president Jayesh George para tailaga harkat nimitey gusa jataisey. MediaOne te Jayesh George ke Samson ke Champions Trophy 2025 squad te select nokora laga karon tu tai domestic(desh laga) cricket nikhala nimitey asey naki koikina hudisey. Aro George para jawab dikina koisey ki Samson para tai camp attend nukuribo koikina ‘ekta-line laga text’ pathaisey. Tailaga etu harkat tu cricket body(BCCI) para khusi panai.
Jayesh George para enaka koisey, “Ami etu eman bhal para kobo naparey ki Samson ke Champions Trophy 2025 squad te shamil nokora laga reason tu tai para tournament miss kuridiya nimitey asey. Hoilebi taikey Vijay Hazare squad te shamil nokora laga karon tu tai 30-member preparatory camp te nahibo koikina ekta line text(message) patha nimitey asey. Tai amikhan laga white-ball captain asey aro SMAT season te bi lead kurisey etu karney tai etu team ke lead kuribo koikina amikhan sob para bhabna kurithakisey.”
“Etu nimitey amikhan ageybarikina etu squad announce kurisiley aro tai para picheyte etu selection nimitey available nohobo koikina ekta message pathaisey. Sanju Samson hoilebi dusra player hoilebi, Kerala Cricket Assosiation (KCA) logotey ekta policy asey kuntu ke respect kuribo lagey. Amikhan sob bi janey ki Sanju ke etu squad te gusibole nimitey camp laga dorkar nai. Hoilebi Kerala team tu enaka team asey naki kotey tai jitya mon kuribo titya hey ahikina represent kuribo? Samson tu Indian team te kinaka pungchisey, KCA laga through te hey tai tatey pungchibo parisey. Etu maney enaka nohoi ki apni Kerala team nimitey titya hey ahibo jitya apni laga mon kuribo.”
Add Comment