Mumbai, 9 January : Bollywood actress Sanya Malhotra, jun Sunidhi Chauhan logot hit single Aankh te laga performance pra naam uthai loise, etiya laga upcoming film Mrs nimite taiyar hoise. Etu film critically acclaimed Malayalam drama The Great Indian Kitchen laga Hindi remake ase, jun joldi Zee5 OTT platform te release hobo. Mrs te Sanya Malhotra lead role te ase, aru taike Nishant Dahiya aru Siya Mahajan saathi dise.
The Great Indian Kitchen Jeo Baby laga likha aru direction ase, jun 2021 te release kurise aru Nimisha Sajayan aru Suraj Venjaramoodu ke leading roles te rakhe.
Zee5 Sanya laga film laga poster share kurise, kintu release date announce no kurise. Zee5 laga caption ase: “Chopping boards ready? Trending moves set? Brace yourself for the rollercoaster ride of #Mrs. Coming soon on #ZEE5!”
Mrs laga teaser 2023 November 8 din release hoise, aru etu laga World Premiere 2023 November 17 din Tallinn Black Nights Film Festival te rakhishey. Asia premiere 55th International Film Festival of India (IFFI) te November 22 din rakhishey. Film already New York Indian Film Festival (NYIFF) aru Palm Springs International Film Festival laga international screenings te pohcha aru praise pai loise.
Mrs Aarti Kadav laga direction te ase, aru Sanya Malhotra laga alawa Nishant Dahiya, Siya Mahajan, aru Kanwaljit Singh bhi pivotal roles play kurise. Film Jyoti Deshpande, Harman Baweja aru Smita Baliga pra produce kura ase.
Etu film ekta married maiki, Richa laga life te focus kuri ase, jun kitchen te nijor identity khujibo nimite struggle kuri ase aru apun laga story define kuri.
Add Comment