New Delhi, May 31 : Actor Sanya Malhotra tu ‘Mrs’ film te tailaga role nimitey ahibole thaka New York Indian Film Festival 2024 te Best Actress award nimitey nominate hoikina asey. Director Arati Kadav bi Best Director nimitey nominate hoisey. ‘Mrs’ tu etu festival te dikhabole thakak closing film bi hobole asey.
Etu jankari tu Jio Studios laga official instagram account te share kurisey kuntu te etu tyohar te etu film(Mrs) dikhabo koikina announce kurisiley. Taikhan para enaka likhisey, “Amikhan tu etu share kuribole bisi khusi asey ki amikhan laga Hindi film ‘Mrs’ tu #NewYorkIndianFilm Festival2024 te dikhabole asey. Aro etu opor te amikhan laga amazing Sanya Malhotra aro brilliant Arati Kadav tu award nimitey nominate hoikina asey.”
Etu saal first fale, Sanya para ‘Kathal’ film te tailaga performance nimitey Dadasahed Phalke Award paisiley.
New York Film Festival te Best Actress award nimitey nominate huwa para Sanya Malhotra laga agey barithaka career te aro ekta dangor kamyabi add kuridisey. Aro tailaga global(duniya laga) star laga status ke majboot kuridisey. ‘Mrs’ tu ekta monduk film asey. Kuntu te maiki huwa, relationship aro samaj te maiki khan ke loikina expectation thaka ke dikhaisey. Etu film te Malhotra laga role para taikey duniyabhor para tariff paisey.
Add Comment