Mumbai, March 12: Sara Ali Khan aro Aditya Roy Kapur laga film ‘Metro In Dino’ laga intazar tu finally khotom hoisey. Etu film laga release date olaisey.
Anurag Basu para direct kora etu film tu theatres te July 04 te release hobole asey. Etu film te Anupam Kher, Konkana Sen, Neena Gupta, Ali Fazal, Fatima Sana Sheikh aro Pankaj Kapoor bi important role te asey.
Etu film laga official distributor T-Series para Instagram te ekta poster share kurikina etu film laga release date announce kurisey.
Metro In Dino tu Aditya aro Anurag Basu laga ekey logotey korasecond film hobo. Taikhan duijun tu first ‘Ludo’ film te eksath kaam kurisiley. Metro In Dino film laga title tu ‘Life in a Metro’ film laga popular gana ‘In Dino’ para loisey. Etu film te ajikali laga jamana te manu khan laga relationship laga mitha-titta kahani dikhabole asey.
Etu film laga bari te aro bisi details share kurikina, Anurag para ageyte enaka koisiley, “Metro In Dino tu manu khan laga kahani asey aro manu khan nimitey asey! Ami etu te bisi homoi para kaam kuri asey aro Bhushan Kumar nisna ekta powerhouse logotey aro ekbar kaam kuribole ami bisi khusi asey, kun ami nimitey poila para ekta chattan nisna hoikina ahi asey!”
Anurag Basu tu Barfi, Life In a Metro, Ludo aro Jagga Jasoos nisna film nimitey jana jai.
Add Comment