Mumbai, 6 December : Television actor Sara Khan, juntu Sapna Babul Ka… Bidaai aru Sasural Simar Ka te tai laga role nimite bisi famous, tai Ramayana te famous actor Sunil Lahri laga bacha Krish Pathak logot biya kori dise. Teni khan October mahina te court marriage kori loi thakise, aru etiya dangor biya ceremony te officially knot bandhi loi ase. Newlywed couple khan laga dreamy biya picture khan tai khan social media te share kori dise.
Saturday din, Sara aru Krish Instagram te December mahina te korise biya laga picture khan post kori dise. Teni khan Hindu ceremony aru nikah duita he celebrate kori dise. Hindu biya nimite couple khan red colour laga dress porise. Guest khan laga picture te dekha pai, Sara nijor sindoor bhi proud te dekha dikhai dise. Nikah nimite, Sara aru Krish white shimmery outfit choose kori dise. Picture share kuri, tai khan likhi dise: “QUBOOL HAI se SAAT PHERE tak… Our love wrote its own script, and both our worlds said yes.”
Sara nijor reception laga besi picture bhi post kori dise, juntu te tai Mrinal Navell, Deepshikha Nagpal, Tanaaz, aru Sheen Savita Dass jundu friends logot pose kori ase. Krish age, Sara Ali Merchant logot biya kori thakise, kintu itu biya chalibo parinai, aru ekta saal bitore he dui jon alag hoi jabo lagise. Tai khan 2011 te divorce kori dise.
Sara aru Krish October 6 te court marriage kori thakise, ekta saal dating pichete. Itu time te picture share kuri Sara likhi dise:
“Sealed Together. Two faiths. One Script. Infinite Love… The signatures are sealed. ‘Qubool Hai’ se ‘Saat Phere’ tak, the vows await this DECEMBER – Two hearts, Two cultures, One Forever.”
Sara tai laga career model hisebe shuru korise, aru tai laga acting debut Star Plus laga popular show Sapna Babul Ka… Bidaai te hoise, jintu tai ke bisi recognition dibo loi dise. Tai pichete Preet Se Bandhi Ye Dori Ram Milaayi Jodi, Sasural Simar Ka, Bhagyalaxmi, aru Dil Boley Oberoi nisena hit show khan te bhi kaam korise. Tai Bigg Boss 4, Zara Nachke Dikha, aru Lock Upp nisena reality show khan te bhi participate kori thakise.
Add Comment