Satellite OST Centre Launch Kurishey, PHC Chessore Tey

August 24, 2025, 07:54 PM: Satellite OST Centre launch kuria laga program loishey, PHC Chessore Town tey, Shamator District under tey, kuntu toh hoiley 23rd August, 2025 tey loishey, CMO, Tuensang laga Office under tey. Dr. Kumrimong Yimchunger MO, Chessore PHC para koishey, opium ke addict hoi kena thaka toh hoiley khali gaaw karney addiction hoa laga nahoi, hoilebi itu toh hiley ekta moi khan laga bhabana aru mental health laga addiction bhi asey aru tai para encourage kurishey, eke haath milaboley, moi khan laga society ke itu toh accept kuriboley, kotey moi khan judge nakuri kena modod laga haath baraboley lagey, itu addict hoi kena thaka manu khan karney, kun khan ke modod lagey. Tai para tai laga sincere gratitude express kurishey, CMO Tuensang ke aru tai laga team ke, itu historic landmark development ana karney, itu area tey kotey,  basic need khan toh hoiley bishi diri para neglect kuri kena ahi thakishey. Kumrimong para Chessore Block laga manu khan ke itu bhi encourage kurishey, itu OST centre aru bhal para chulabo karney aru assure kurishey ki, tai laga team aru staff khan toh hoiley modod aru serve kuriboley tyaar asey, ki ki laga homoi tey hoilebi, itu society laga bhal nimitey aru addiction komti kuriboley. Dr. Senilo Magh, Psychiatrist aru Nodal Officer (OST), DH Tuensang laga, tai para bhi itu lagi thaka manu khan ke modod kuria laga importance laga kotha kurishey, aru tai khan challenges khan overcome kuriboley. Zhelo, Village Council Chairman, Chessore; Lakiumong, Head DB, Chessore Town, aru Chuba, President of Chessore Town Public Forum para khata speech khan deliver kurishey. Chongshen C Chang, DPO DAPCU, Tuensang para welcome address dishey, aru Chongtin Sumao, Lab Technician, PHC Chessore para vote of thanks janaishey.