Satwik- Chirag harise China laga Chen aro Liu loko; bronze paise World Championship te

France, 31 August 2025: India laga top men’s doubles pair Satwiksairaj Rankireddy aru Chirag Shetty World Championships te bronze medal loi kena finish kuri she, etiya tu tai khan China laga Chen Bo Yang aru Liu Yi karone semifinal te 19-21, 21-18, 12-21 para harai jaise. Match ekta intense 1 hour 7 minute choli she, aru ta te India laga pair dangor fight de thaki bo, last te decider game te harai jaise. First game te Satwik aru Chirag bhal suru kuri she, 9-3 aru 11-5 lead loi kena break te jai thaki she. Hoilae bhi Chen aru Liu bhal defence aru smart shots para ulai ahi, kena Indian pair ke ulai jai 21-19 te first game jiti she. Second game te bhi Indian khan bhal suru kuri she, 6-2 lead loi thaki she, hoilae bhi score tu 8-8 te ahi jaise. Piche te tai khan feri speed loi kena 15-11 lead loi thaki she. Aru Chinese khan feri back kuri kena 17-17 loi dise, Satwik-Chirag tu etia time strong thaki she aru 21-18 te jiti she. Chirag bhi celebrate kuri thaki she aru fist bump dise. Decider game te pura ulta picture hobo lagi jaise. Chen-Liu fast start loi kena 9 points continuously loi thaki she. Indian pair errors aru pressure karone 3-11 down hoi jaise. Piche te bhi comeback try kuri thakile bhi, Chinese khan pura control loi thaki she. At 5-17, match laga result clear hobo lagi thaki she aru Indian khan last te 12-21 para hari jaise. Disappoint hobo karone bhi, Satwik aru Chirag etiya bhi historic bronze medal loi kena finish kuri she. Tai khan laga tournament fight aru attacking style bhal dikhai dise, hoilae bhi Chen aru Liu laga consistency aru calm play karone final te ulai jai she.