New Delhi, September 14 – India laga top men’s doubles jora(pair) Satwiksairaj Rankireddy aru Chirag Shetty Hong Kong Open Super 500 laga title jeeti bole dangor chance thakishe, kintu Sunday din teCehina laga Liang Wei Keng aru Wang Chang logot final match te hari jaishe.
Satwik-Chirag bhal para start kuri thakishee, prothom game 21-19 para jeetishe. Taikhan laga fast attack aru net te quick reflex karone Chinese pair bishi pressure paishe. Kintu second game para situation olop change hoijai she. Liang aru Wang tight defense play kuri thakishe aru Indian pair para bishi errors kuri thakishe. Result te Chinese pair easy 21-14 para second game jeeti jaishe aru score equal hoi jaishe.
Third aru deciding game te Liang-Wang shuru te dominate kuri thakishe. Taikhan 11-2 para interval te bisi lead hoi jaishe. Satwik aru Chirag try kurishe aru comeback kuri she, bishi powerful rally play kurishe, kintu shuru te thaka gap bishi dangor thakija karone taikhan catch up kuribole para nai. Last te Chinese pair 21-17 para match aru title dhuri loishe. Match ek ghonta nishena chulishe.
Etu bar laga defeat Indian pair ke Super 500 title jeeti bole prolong kuri dishe . Taikhan season te bishi bhal performance dikhai she, aru World Championships Paris te Liang-Wang duijun ke harai dishe. Kintu Hong Kong final te taikhan result toh repeat kuribole napara hoishe
Satwik-Chirag laga consistency world badminton te clear dekhaishe, aru taikhan top doubles pair hisap te future te aru bishi title chase kuribo.
Add Comment