Hangzhou, 17 December : India laga popular men’s doubles duo Satwiksairaj Rankireddy aru Chirag Shetty itu season-ending BWF World Tour Finals te tricolour laga ekmatro representative hoi khelibo. Itu tournament Wednesday pora Hangzhou, China te shuru hobo.
Eighth edition te World Tour Finals badminton season aru BWF World Tour laga last event hoi ase, juntu te Race to World Tour Finals badminton rankings hisab te different category pora top eight players aru duos khan compete kore, Olympics.com hisab te.
Competition singles aru doubles sob category te hoi, aru ekta desh pora ekta category te maximum duita entry allowed ase.
‘Sat-Chi’ etiya men’s doubles te number three position te ase aru itu saal BWF World Championship te bronze medal jitise — itu tai khan laga second World Championships medal ase. Tai khan Hong Kong Open aru China Masters te duita runner-up position bhi paise. Duo itu pura season te consistent thakise, Malaysia Open, India Open, Singapore Open, China Open aru Denmark Open 2025 te semifinal te jaise.
Itu 2021 pichete tai khan laga second time hobo BWF World Tour Finals te khelibo, aru Group B te place paise. Same group te China laga Liang Wei Keng aru Wang Chang, Indonesia laga Fajar Alfian aru Muhammad Shohibul Fikri aru Malaysia laga Aaron Chia aru Soh Wooi Yik bhi ase.
Satwik-Chirag tournament laga shuru match te China laga Paris 2024 silver medallist Liang Wei Keng/Wang Chang laga against te khelibo. Head-to-head te Chinese pair laga upper hand ase — 10ta clash te 7ta jeet ase. Two-time Olympic bronze medallist Aaron aru Soh Wooi Yik bhi Group B te Sat-Chi logote place paise.
Add Comment