Paris, 28 August : Badminton te, India laga premier men’s doubles jodi Satwiksairaj Rankireddy aru Chirag Shetty, aru Olympic medalist PV Sindhu, kal Paris te hobo thaka BWF World Championships 2025 te Round of 16 te entry kurise.
Ninth-seeded Satwik-Chirag jodi, Chinese Taipei laga Liu Kuang Heng aru Yang Po Han ke 22-20, 21-13 te harai dise. Eitu jodi ahibole China laga sixth seeds Liang Wei Keng aru Wang Chang logot face kuribo.
Women’s singles te, PV Sindhu dangor resilience dikhai Malaysia laga Karupathevan Letshanaa ke 21-19, 21-15 te harai dise. Two-time Olympic medallist Sindhu, first game te 12-18 score te pichhe thaka bhi, six consecutive points logot fight back kuri jeet confirm kurise.
Add Comment